Skip to main content

ஆர்.கே. நகர் தேர்தல்; மீண்டு(ம்) வருமா அ.தி.மு.க.?

ஜெயலலிதா மரணத்திற்குப் பின் ஆர்.கே.நகர் சட்டசபை தொகுதி கடந்த ஓராண்டாக காலியாக இருந்துவந்தது. இந்நிலையில், ஆர்.கே. நகர் இடைத்தேர்தலுக்கான தேதி அறிவிக்கப்பட்டுள்ளது. 

கடந்த சில மாதங்களுக்கு முன் ஆர்.கே. நகர் இடைத்தேர்தல் அறிவிக்கப்பட்டு, கட்டுக்கடங்காத பண விநியோகம் காரணமாக, தேர்தல் ரத்து செய்யப்பட்டது.
பின்னர், அ.தி.மு.க.வில் ஓ.பி.எஸ், இ.பி.எஸ். என பிளவு ஏற்பட்டது. அத்துடன் தினகரன் தரப்பினர் தனியே அ.தி.மு.க.வுக்கும், இரட்டை இலை உரிமை கோரி போராடி வந்தனர்.

இந்நிலையில், ஒ.பி.எஸ். அணி, இ.பி.எஸ். அணி ஒன்றிணைந்து, இரட்டை இலையை மீட்க முயற்சித்தனர். இரட்டை இலை சின்னம் இல்லாமல் இடைத்தேர்தலும் இல்லை; உள்ளாட்சித் தேர்தலும் இல்லை என உறுதியாக இருந்தனர்.

தேர்தல் ஆணையம் இரட்டை இலை சின்னத்தை மதுசூதனன் அணிக்கு ஒதுக்கினர். இரட்டை இலை கிடைத்த மகிழ்ச்சியை அதிமுகவினர் கொண்டிடாடி வரும் நேரத்தில், ஆர்.கே. இடைத்தேர்தல் அறிவிப்பு வெளிவந்தது.

இடைத்தேர்தல்களில் ஆளும் கட்சியே வெற்றி பெறும் என்பது கடந்த கால அரசியல் வரலாறு. ஆனால், இம்முறை, ஜெயலலிதா இல்லாத அதிமுகவும், கருணாதியின் நேரடி ஈடுபாடு இல்லாத தி.மு.க.வும் தேர்தலில் களம் காண்கின்றன. மேலும், பலம் குறைந்த நிலையில் இருந்தாலும், தினகரன் அதிமுகவிற்கு எதிராக போட்டியிடுகிறார். இது நிச்சயம் அதிமுகவின் வெற்றி வாய்ப்பை பாதிக்கும்.

தி.மு.க.வைப் பொறுத்தவரை இத்தேர்தல் வெற்றி / தோல்வி எவ்வித பாதிப்பைçயும் ஏற்படுத்தப்போவதில்லை. ஆனால், இத்தேர்தல் வெற்றியைப் பொறுத்தே அ.தி.மு.க.வின் வருங்காலம் நிர்ணயிக்கப்படும். 

ஜெயலலிதா மறைவுக்குப் பின், அதிமுக மக்கள் செல்வாக்கை தக்கவைக்குமா அல்லது இழந்துள்ளதா என்பதை இத்தேர்தல் வெற்றியே தீர்மானிக்கும்.

அதிமுக மீண்டும் ஆர்.கே. நகரை தக்கவைக்குமா? தேர்தல் முடிவு விடை சொல்லும்.

Popular posts from this blog

வீடு குடிபோக உகந்த மாதங்கள்

ஆடித்திங்களில் இராவணன் பட்டதும், மார்கழியில் மகாபாரத யுத்தம் நடந்ததும், புரட்டாசியில் இரணியன் மாண்டதும், பங்குனியில் பிரம்மன் முடியற்றதுமாகுமே. 
ஆதலால் ஆடி, மார்கழி, புரட்டாசி, பங்குனி மாதங்கள் தவிர மற்ற மாதங்களில் குடி போகலாம்.

அதிகாலையில் கண் விழிப்பவரே வெற்றிகரமான பிஸினஸ் மேன்

வேலைக்கு செல்பவர்கள் 10 மணிக்கு ஆபீஸ் போனோமா, 6 மணிக்கு வீட்டுக்கு வந்தோமா என்றிருப்பார்கள். ஆனால், பிஸினஸ் செய்பவரை பாருங்கள். நாள் முழுக்க ஓய்வின்றி உழைப்பார். 24 மணிநேரம் இருந்தும் நேரமின்றி அல்லாடுவார்.

24 மணி நேரத்தை பயனுள்ளதாகவும், கிடைக்கின்ற நேரத்தை சரியாகப் பயன்படுத்திக் கொள்பவர் மட்டுமே வெற்றிகரமான தொழிலதிபராக வலம் வர முடியும். உங்களுக்கு கிடைத்த நேரத்தை முழுமையாக பயன்படுத்த விரும்புகிறீர்களா? அப்படியானால் இன்றிலிருந்து அதிகாலையில் கண் விழிக்கப் பழகிக் கொள்ளுங்கள். அதெல்லாம் முடியாது என்பவர்கள் அதிகாலை கண் விழிப்பதால் என்ன பயன் கிடைக்கும் என்பதை ஒரு முறை படித்து விடுங்கள்.
அதிகாலை நேரத்தி்ல் உங்கள் மனம் தெளிவாக இருக்கும். நாள் முழுவதும் உழைத்தாலும் அதிக சோர்வு ஏற்படாது. உங்கள் மனம் அதிக வலிமையுள்ளதாக இருக்கும். மன வலிமை அதிகமாக இருந்தால், உங்கள் அன்றாட செயல்கள் எதுவானாலும் திறம்பட செய்ய முடியும். பலதரப்பட்ட மனிதர்களை சந்திப்பதானாலும் சரி, டிராபிக்கில் மாட்டி விழி பிதுங்கும் போதும் சரி; உங்கள் மனம் வலிமையுள்ளதாக இருந்தால் எந்த இடையூறையும் எளிதாக சமாளிக்கலாம். அதிகாலை கண்விழ…

பிஸினஸில் ஜெயிக்க 5 வழிகள்

பிஸினஸ் செய்ய வேண்டும். புகழ் பெற்ற தொழிலதிபராக வர வேண்டும் என்பது பெரும்பாலான மக்களின் கனவு. ஆனால், அதற்காக கடும் முயற்சி செய்ய வேண்டும்; பல்வேறு படிநிலைகளைக் கடக்க வேண்டும் என வரும் போது நம்மில் பலர் அந்த ஆசையை முளையிலேயே கிள்ளி எறிந்து விடுகிறோம். ஆனால் விரல் விட்டு எண்ணக் கூடிய மிகச் சிலரோ, சரியாக திட்டமிட்டு வெற்றி இலக்கை அடைந்துவிடுகின்றனர். அந்த மிகச் சிலரில் நீங்களும் இடம் பெற விரும்புகிறீர்களா? வெற்றியாளர்கள் பின்பற்றும் 5 வெற்றி விதிகளை நீங்களும் பின்பற்றிப் பாருங்கள். நீங்களும் வெற்றிக் கனியை எட்டிப் பறிக்கும் காலம் விரைவில் கைகூடும்.
1. உங்கள் இலக்கை நிர்ணயித்துக் கொள்ளுங்கள்:

உங்கள் இலக்கு என்ன? அதற்கு நீங்கள் கொடுக்க வேண்டிய விலை என்ன? என்பதை உண்மையாகவும் நேர்மையாகவும் முடிவு செய்யுஙகள். மேம்பாக்காக இலக்கை திட்டமிடாதீர்கள்.  இன்னும் ஒரு வருடத்திற்குள் நான் சொந்தத் தொழில் செய்து குறைந்தபட்சம் ஆயிரம் ரூபாயாவது ஈட்டுவேன் என இலக்கு நிர்ணயிங்கள். அந்த இலக்கை எட்டிப் பிடிக்க என்னவெல்லாம் செய்ய வேண்டும் என்பதை தெளிவாக வரையறுத்துக் கொள்ளுங்கள்.

தீட்டிய திட்டத்தை படிப்படி…